આસમાની છત્ર છાયા…
જાન્યુઆરી 22, 2008
આજ તો આનંદની સર્વત્ર છાયા,
રંગ ઊડે છે, સુગંધી અત્ર છાયા !
જે કંઈ વાવ્યું બધું ઊગી ગયું છે,
થઈ ગઈ ઘેઘૂર સઘળી પત્ર છાયા !
ગાઢ ઊંઘેથી અમે જાગી ગયાં, ને –
સ્વપ્નની દુનિયા બધી અન્યત્ર છાયા !
જે હતું તે એમને આપી દીધું છે,
લઈ લીધી છે આસમાની છત્ર છાયા !
મૌનની સુરખી છવાઈ છે અજબ,
શબ્દની પુરી થઈ છે સત્ર-છાયા !
ધૈવત શુક્લ
13.08.1993
જાન્યુઆરી 22, 2008 પર 10:57 પી એમ(pm)
Wondeful. This reminds me the period of writing parallel gazals with same radif kafia!! I am back in those amazing moments.